Да можеше стариот јавор
да ги пишува сите приказни
под неговата закрила и дебела сенка,
ќе имаше романи и романи
раскажаи на бели страници…
Приказни и погледи,
среќа на лицата,
мирис на вкусови помешани
со староградската идила…
Стутулено катче за одмор,
за патепис,
за средба,
за прв и единствен поглед
во средината на
изолираниот мир
и тивкото шумолење на ветрето…
Да можеше стариот јавор
да ги пишува сите приказни …
… една од нив ќе беше Нашата …
… нашиот мал миг вечност
во низата многу вечности …
… уживање …
… доживување …
Posted in Некатегоризирано | 7 Comments »
Јас повторно не спијам
не заспивам ниту во твојот сон,
а те будам од него
на заминување,
во зора зазорена,
и со шкорче запалено сонце,
во мугра осветлена…
Јас повторно не спијам,
те дочекувам,
те облекувам
во зраци сончеви,
со милост погалени,
на твоите пори,
и сонливи воздишки…
Јас повторно не спијам,
не заспивам ,
ниту во сопствената постела
ниту во чаршафите згужвани
не заспивам,
те чувам…
во мислите,
во мирисите,
во воздишките
кои траат…
Јас повторно не спијам,
не заспивам ниту во твојот сон,
а те будам од него
на заминување,
во зора зазорена,
и со шкорче запалено сонце,
во мугра осветлена…
Јас повторно не спијам,
те дочекувам,
те облекувам
во зраци сончеви,
со милост погалени,
на твоите пори,
и сонливи воздишки…
Јас повторно не спијам,
не заспивам ,
ниту во сопствената постела
ниту во чаршафите згужвани
не заспивам,
те чувам…
во мислите,
во мирисите,
во воздишките
кои траат…
.
Posted in Некатегоризирано | 9 Comments »
Пребарај го дното
тука има
се` и сешто
сечие и ничие
нешто,
делче,
паднато,
заборавено,
изгубено и
ненајдено
минато
сегашност
небиднина
***
Пребарај го дното,
тоа крие тајни
и стари вистини
по некој човек
заборавен
изумен
со подадена рака
дух на нечие
постоење,
некогашно
сегашно
само привидение
***
Но крие мудрост
крие можност
крие идеа
ова дно
каде што
сечието и ничие
може да стане твое
новосоздадено
издигнато
од пепелта како феникс
создание
како птица со ранети крила
но со голема желба
уште поголема упорност
***
Пребарај го дното…
Тоа нуди безброј вивнувања
самувања
паѓања
и кревања…
Од ништото создади нешто,
гордеј се со себе…
…зашто…
На дното си сам на себе,
сите создавања
имаат твој личен печат
жиг
рана
но и насмевка
за успех…
Успеј!
Posted in Некатегоризирано | 11 Comments »
април 20, 2012 од mackica
Ќе го чекам утрото
да ја убие ноќта,
тежи…
тешка е оваа ноќ,
а и денот што ја донесе…
Нека помине…
А кога нешто чекаш да си замине
толку нетрпеливо,
нетрпеливо и ужасно
многу се задржува
на тоа константно место,
како заробеник на времето,
како стотинка во секундата,
како вечност во просторот без време
како темен облак над сончево небо…
И само собира капки …
собира, собира, собира,
додека не препукне и излие…
Posted in Некатегоризирано | 2 Comments »
mackica